فرانسیسی پارلیمان میں فلسطینی ریاست کی حمایت میں قرارداد پیش

فرانسیی پارلیمنٹ میں حکمراں سوشلسٹ پارٹی کےارکان نے آزاد فلسطینی ریاست کی حمایت میں ایک قرار داد پیش کی گئی ہے۔ قرار داد پر28 نومبر کو پہلی رائے شماری ہوگی اور حکومت کی جانب سے قرارداد کی منظوری کے بعد دوسری رائے شماری دسمبر میں ہونے کا امکان ہے۔

مرکزاطلاعات فلسطین کے مطابق فرانسیسی اپوزیشن جماعت "الائنس فارپیپلز فریڈم موومنٹ"  کے سربراہ "کریسٹن جیکب" اور ارکان پارلیمنٹ کا کہنا ہے کہ فلسطینی ریاست کو تسلیم کیا جانا وقت کی ضرورت ہےمگر اس کا یہ طریہ مناسب نہیں،کیونکہ پارلیمنٹ میں فلسطینی ریاست کی حمایت کی قرارداد منظور ہونے سے فلسطینی اتھارٹی کی امن مساعی متاثر ہوسکتی ہیں۔ پہلے فلسطینی اتھارٹی اور اسرائیل کے درمیان آزاد فلسطینی ریاست کے خدو خال بارے کوئی سمجھوتا طے پایا جانا



ضروری ہے۔ اس کے بعد حکومت اور پارلیمنٹ دونوں کی جانب سے فلسطینی ریاست کی حمایت کی جانی چاہیے۔ اس صورت میں اپوزیشن کی تمام قوتیں بھی اس قرارداد کی حمایت کریں گی۔

خیال رہے کہ فرانسیسی پارلیمنٹ میں آزاد فلسطینی ریاست کی حمایت میں کئی یورپی ممالک کی پارلیمان قراردادیں منظور کرچکی ہیں۔ گذشتہ منگل کو اسپانوی پارلیمنٹ میں فلسطینی ریاست کی حمایت میں ایک علامتی قرارداد پاس کی گئی۔ یہ قرارداد اسپانوی  اشتراکی سیاسی جماعت لیبر پارٹی نے پیش کی تھی۔

اس سے پیشتر 14 اکتوبر کو برطانوی پارلیمنٹ بھی فلسطینی ریاست کی حمایت میں ایک قرارداد منظور کرچکی ہے تاہم برطانوی حکومت اس قرارداد پرعمل درآمدکی پابند نہیں ہے۔ سویڈن اور آئرلینڈ بھی ان یورپی ممالک میں شامل ہوگئے ہیں جو فلسطینی ریاست کی کھل کرحمایت کررہےہیں۔